متفرّقات في بلادنا هذه... كثر كان الهم... بقلم مريم العبيدي
بقلم مريم العبيدي
فما ناس في عوض الحليب راضعة الذل
ناس راضعة الحقد والغل
ناس فيبالها الدنيا فلوس
والي عندو صوردي زايد راو باشا و سيد الكل
و في بلادنا هذه... كثر كان الهم
السرقة و النهبة الحرڤة الخطف و الڤتل و زيدهم الزطلة
دولة الحرية و الديمقراطية أما على الوثائق مش في الحياة الواقعية
زعما كي بش توڤف ڤدام ربي انت و بنية صغيرة ذنبها فقيرة بانا وجه
بش تڤول طردتها خاطر ناقصة ادوات مدرسية
حلال فيك الرجم والنار عليك شوية
دولة متقدمة 3000 حضارة
اوه على جد بابا لول
دولة العار و القيل و القال
دولة التراكن الي تحتها 3000 خنار
دولة دزني و ندزك وميهمش الي يمشي في العفس للرفس
دولة تڤدم نوخروك توخر نشجعوك
دولة الثقافة الي كان في الكتب
دولة الثورة ...
دولة الحلال حرام و الحرام حلال
دولة الخو عادي يڤتل خوه عادي الوليد يتكى على امو والا بوه
عادي تتبراكا تحت انظار جماهير غفيرة
تي اصلا ماو المتفرج فارس
انت بنية ؟ عادي تتخطف من ايد راجلك و الا خوك
من لخر دولة حرة دولة متقدمة و حاسدينا على الديمقراطية و العيشة الواو الهنية
اما يا مزين من برك شحوالك من داخل
وهكا الداخل يبكي يحزن يندب يحشم
من الاخر دولتنا بش تعيش عيش فل
لازمك تكون يا عمدة يا والي يا عندك قريب يكون عرصة في البلاد
يا ترص شد بلاصتك التالي
